ارشيف مشاعر

هنا اكتب السنين القادمة اكتب لتخزين وارشفة افكاري ومشاعري ، اكتب لسنين فوق ٣٠ سنة اكتب لكي تقرأها لي حفيدتي وانا هرمة تقرأها لي بينما ألزهايمر يأكل عقلي ، لا اكتب لاستقطاب المتابعين او لكي اصبح كاتبة بل اكتب لأحرر افكاري ! 

انت الخسران !

مو شرط عند انتهاء كل علاقة لابد يكون فيه خسران ، عادي مرات تنتهي العلاقة بدون ربح وخسارة ، لا انا خسرتك وبتندم عليك ولا انت اللي بتتمناني ارجع  

سطور في النقد البنّاء

الواحد لازم يكون عنده مرونه في تقبل اراء الناس ويسمع للناس وبعده ياخذ كلامهم ويبحث في ذاته ويشوف اذا نقدهم في محله يصلح ذاته ويطورها للاحسن ولا بيظل طول عمره بأطباع شينه 

طبعاً انا اتكلم عن الانتقاد بشكل عام 

الواحد اذا سد اذنه بزياده كذا يكون قاعد يدمر نفسه 

افكار طاردة للافكار ؟

اصعب شي ممكن يواجهه الانسان هي انه كيف يطرد فكرة سلبية من مخه ، الموضوع يتطلب جهد وجهااااااااددد خصوصاً لو كانت الفكرة دخيله وماكان يفكر فيها من الاساس بس فجاه صار يفكر فيها وقامت تأثر على حياته بعد 😱

الغاية النبيلة لاتحققها وسيلة رذيلة 

كل انسان له منظور خاص خاص ينظر إلى الامور فيها ، ونظرته غالباً مايفسرها شعوره وتخليه ينظر للامور هذه بهالنظره نظرة الشخص للامور اللي حوله توضح لنا طريقة تفكيره 

بوطبيع مايجوز عن طبعه

فيني طبع شين ، احب اضغط نفسي وانجز اعمالي في آخر الوقت ... مع ان عندي مجال ووقت اني انجز بس ما اتحرك الا بالسويعات الاخيره ، حاولت اغيره بس ماني قاددددرررررة